Debian

Debian isch es freis Betribssystem wo vo freiwillige Lüt us dr ganze Wäut entwicklet wird; frei heisst i däm Zämehang nid nume dases nüt choschtet (das isch e schöne Nebeeffekt), sondern bedütet Freiheit: Me darf d Programm bruche wie oft, wie lang, oder wo me wott, me darfse verändere wieme wott (mues das aber au freigä) und so witer. Ds Projekt isch am 16. Ouguscht 1993 vom Ian Murdock gstartet worde, mittlerwile ungerstützts gäge 29000 Stück Software und über 1000 Lüt schaffe a dem Betribssystem. Ide meischte fäu wird aus Chärnäu Linux verwändet, aber es geit neuerdings au mit FreeBSD oder GNU Hurd, was auerdings no in Entwicklig isch.